Niel L. Ibañez hails from Bag-ong Barrio, Tapaz, Capiz. He is a writer and storyteller in Kinaray-a and Hiligaynon, deeply committed to preserving and celebrating the culture of the Panay Bukidnon. He has received awards from Dungug-Kinaray-a, Bantugan sa Panulatan, Hubon Manunulat: West Visayan Writers, The Peter Solis Nery Prize, Padya Leoncio P. Deriada Para Sa Panulatan (Open Category), and was also recognized as an awardee of Pasidungog 2025 in his municipality under the Cultural Heritage Category. He was a fellow for the 21st San Agustin Writers Workshop, the 24th IYAS La Salle National Writers Workshop, and the 19th Palihang Rogelio Sicat. He currently teaches at Col. Patrocinio Artuz National High School in Taft, Tapaz, Capiz.
Ang Ginsuguran
Duag-dugo ang mga panganod Sa kalangitan sang gintublag Ang iya paminsaron. Madugay na nga ginatiktikan Ang iya ngalan. Ginhigop niya ang nabilin Nga lalud sang sará-sára. May hamot sang kagulangan Ang iya kabug-osan. Ang iya nagalumbayag Nga balhas kaangay Sang ginsabwag nga Ilahas nga ámion sang kahapunanon. Asod-asod ang lupok. Nagkuloliit ang mga kololáknit. Paano nga nalista ang iya ngalan Kag gintapik pa sa barangay hall? Gintangla niya ang alimpudwan Sang kabukiran. May mga butang nga mabudlay hangpon. May mga Butang nga indi kinahanglan Sang tamsak sang baba agud mahibaluan ang matuod-tuod nga sabat. Gintutdan niya ang mga darag Nagabagtik na ini Kag nagahulat sang hará-hará Sang kalayo. Sa darayon nga pagharáhará, Magapadayon ang iya istorya.
Bukay Isda
Kon makahibalo lang manugid
ang suba nga ini, pat-od madamo
ma sang nabalay nga sugilanon.
Igasaysay sang suba ang pag-ilig
sang dugo halin sa mga bangkay
nga ginlumos sa iya taguangkan.
Mariit na ining suba. Pero para sa iya
kabahin gid ini sang iya kabuhi.
Palahuwayan Niya sa malawig nga dinag-on.
Nagpungko Sia kag ginhanduraw ang mga nagkalatabo:
Diri naghuray-ad ang bangkay ni Butod
nga isa ka mangangayam. Kuno nagaduhol
sang balita nahanungod sa operasyon
sang mga militar. Saksi ang dalipi
nga nagapaligo sang iya dugo.
Sanday sin-o pa?
Ang bata ni Kap Tuloy.
Kuno nagbato-patay.
Hasta nakadangat ang pilason
nga lawas sa ulohan sang suba sa paglagsanay.
Naghuray-ad.
Bukay Isda.
Ang suba nga anay ulay sa
Iya panan-awan, wala man makaluwas.
Ginkutkot sang modernisasyon
Ang iya taguangkan. Ginlubngan
sang mga dalagko nga kabilya hasta nga
ginluad ang bulawan.
Hasta ang nabilin na lang, ang bulawan
nga sabot ni Amburukay.
Nagtindog sia. Nagpadayon.
Takladon niya ang kabun-akan.
Para sa iya, bisan sa paglakat
lamang, mabatyagan niya
ang matuod-tuod nga kahilwayan.