Krishna Tan is an active youth volunteer in Laoang, Northern Samar, serving with a youth organization called Gios Kabataan. She was a fellow for poetry in Waray (Ninorte-Samarnon) at the 2nd Ibabao Writers' Workshop in Northern Samar.
Nining, ayaw pagpinamulata kay tingali iba an umabot— sayo an mata, duha an hiwa ngan lima an kamot. Ayaw pagniluwasa an gwapuhon nga ngaran kay tingali iba an bumaton— halarom an tingog, ngarob ngan mabara an buruhaton. Sulod na kay matun-og sa pabalod; waray man iton aabot kay diri tangkod. Parunga na an lampara kay diri na haon mauli pa; kanugon san suna sa tikapiksi nga palara. Piyong na sa kapiniton sini nga gisidmi nga gab-i; buwas na la itakbo an nagpinit nga kape. Kay kun magsayo kaminutos ka pa sa gawas, bangin bisitahon ka lugod sin banwa-anon nga lagas. Katurog na kay natighalarom na an gab-i ngan naghahababaw na an paglaum sa paghinulat pirmi. Hingan daw, an panulay nagpapakulaw; an buhi, diri man la nadagaw.