Charles Julian Palma Gollayan, an Ibanag writer, was raised in Cabagan, Isabela. He was a fellow at the Iligan National Writers Workshop, Sunday Club National Writers Workshop, and Palihang Rogelio Sicat. Gollayan is a sophomore of Malikhaing Pagsulat in the University of the Philippines Diliman.
Ta gabi, nu dalangat-tang i vukig, masingat-tang ira atarannang anna daka-dakal tu ammay, ta amme da paga naapit. Anna, ta oras na mallawang ngana i bilag, mabaling i mafulu oras nga biyahe tu agga-gakko ittang, raga-raga tang umay magidda ta Babba, biko na baka ira tu massangngo habang mabilagang, manga tu bitamina na umma. Tari tang makkokko ta biko na Bannag Cagayan anna tari ta ipay i daddam tapenu mevulu ta danung anna madde na i Tuguegarao, maski Bebay na Pasifiko. Tari ilummag tang i luwa tu amme tang ammu nu anni i gafu na, tapenu manuffung ta pattaba na davvung na vukig tu egga ta aranni ta danung. Kumang ittam ta paborito ni yena tu pansiterya, anna tari, pannuak-ku i sam-mu: masissingngo tu gulay tu nafusi ta vukig, tapenu egga ganas mu mevulu ta pappasyar ta kada purok na Cabagan. Ligottat-tang yawe ili, nakatakay ta kalesa tu dadana ngana, ipaginna tang ta interu lugar tu egga ittang tawe~~ mappabalo-balo anna maginango tu marenu tu paddag na fung ira. Purayat-tang tu girawan na ammay ta levu na kada dalang i ummo, gakko, galo, anna ngaming tu guyu tang. Ammeng ngana nonokang i Manila, tawe ammeng magug i polusyon, awang tu problemang ta alalawa ira dalang anna duma tu lugar. Ammeng mavurung ta kanam-mu, maski gulay, pansi onu maski anni paga yatung, ta kavulu na’ anna i vukig. Ammeng ngana gapa mofutang tu boses ta pakkagi tu "para!" anna makifila ta terminal na van ta Trinoma. Ta oras tu ikaya mu dang so panawang tawe tape lubbe ka, ammeng lagapa mavurung ta tawe nga lamang maddyang, vulu-vulu i itsurang anna daddam ta palliggo na mundo. I tadday ku lamang tu dog, tapenu egga balun na probinsya niko, ay ipeyavu ku niko tari ta atarannang tu ammay, tu naggiraw nittang, ta kada guyu, ummo, gakko, anna tangi, ta biko na dinalangat-tang, ta maski sitaw nga inangyat-tang. Anna, ipetuvug ta totolay ta Manila, ta pallabbetam-mu i tabbag da. “Ta bayag mi navvulu ta lugar ngawe, ngatta amme da ka lamang ginuyu, ta ngaming tu oras tu egga ka maggiraw nikami?” Anna, nakwan---ikaya ku tu itabbag na ammay niko ay “Kinagi na amo mi, makkaturug la kanu yayya.”