Richard D. Madrilejos is an Associate Professor at Bicol University. He is the co-founder of An Banwa: Kultura buda Arte kan Tabaco, and the founder of Burabod Artists. He was a fellow at the Ateneo National Writers Workshop and the Juliana Arejola-Fajardo Workshop.
(sa CCP Arts Academy sa PNU Manila) Nakatukaw pabilog sa daga nag-uurukodan an mga aki kun hain an singsing na pigaparasa-pasa mantang naga-arawit ki suanoy, kun sala an ukod may padusang magayon na mag-awit o rawitdawit kan kiniriblit na tataramon, panaramon, sarabihon, o gawi-gawi sa dagang ginurodak kan mga gurang mantang nangangaradyi kay Birhen Maria. Pigahadokan kan talinga an daga, pig-aram kan aki kun naglalayog pa si Uke sa irarom pasiring-pabalik sa tulong Kagayonan-Kagurangan, na sa tahaw kan pauro-utrong kamundagan buda kagadanan, puedeng padabaon bako sana tawo kundi tawong lipod, mga kahoy buda hayop. Tinanom an enot na adalan sa daga kan Pilipinas sa panahon kan pag-adal kan bagong tigaluwas gamit an panluwas na tataramon manungod sa tigalaog buda pag-adal kan mga tigalaog kan tigaluwas buda tataramong tigaluwas gamit an panluwas na tataramon, gabos normal: mga dai nahihiling, mga para-adal, parapa-adal, buda mga ikos na muyang makatalingkas-makaukod sa tataramon kan subsubanon.