Si Tresia Siplante Traqueña ay nagtapos ng Senior High School sa Politeknikong Unibersidad ng Pilipinas at kasalukuyang kumukuha ng Batsilyer sa Edukasyong Filipino sa Philippine Normal University. Isa siya sa pinakabatang miyembro ng Linangan sa Imahen, Retorika, at Anyo. Ang ilan sa kaniyang mga tula ay nailathala sa Aklas (The Torch Publications), Baga Mga Piling Tula mula sa LIRA Fellows 2018, Philippines Graphic, at The Sunday Times. Bukod sa pagsusulat, nahihilig din siya sa memes at pagkuha ng retrato at kasalukuyang hinahangad na maging part-time photographer (IG account: @tresiatraquea). Naniniwala siyang walang marupok na hindi umiibig.
Sugat
Sa sandaling masugat Ay huwag kang mababahala. Huwag nang mag-abalang Kumuha ng kahit ano Para takpan at pigilin Ang pagdurugo. Kabisado ko Ang bawat bahagi Ng akin. Hayaan mong umagos Ang sariling dugo Sa gilid Para kusang Maghilom.
Salamin
Sa salamin, Sinasalat ng titig Ang parteng tinitingnan Ng lahat. Para paulit-ulit Na may hanapin. Malinaw sa akin Ang hindi makita ng iba. Ngunit masigasig sila Sa paghahanap Ng mga bagay Na hindi ko makuha.