“Hain na madto ang yabi?”

Daw malisang gayod siya kada di niya makaham sa iya bulsa,
Ang yabi ba ina sang amon sakyanan o sang biyay.

Magtan-aw da gayod ako hantod makaham niya ang yabi 
Nga kalabanan ara da nagbitay sa iya karsunis. 

Kada adlaw, 
Ang dili niya makalimtan kay ang mag-init sang tubig para sa akon tsaa kag sa iya kape.
Dili lat niya makalimtan ang pamubó sang amon tulo ka bumbil sa biyay.

Dili gayod niya makalimtan ang akon paborito nga pamahaw - ang anok, mangga kag sikwate.
Dili lat niya makalimtan nga palitan ako sing Bisaya para mabasa ang akon paborito nga mga magbabalak.

Kada adlaw,
Damo pa kami sang kinahanglan hunahunaon:
Magpalit sang hapin sang mga kaldero nga amon nadawat upat ka buwan nga miagi,
Mopili sang kolor sang pintal sa pikas kwarto: puti, puwa, o asul?
Nano ayhan ang ipintal sa dingding: alibangbang, mga lubi, o mga bitoon?

“Ari da!” 

Wala’y kaso kung makalimot siya pirmi sang amon yabi.
Ara da ko sa iya tapad moapil sa pagkalisang kag sa pagkatawa.

Ipagawas ang Lily's Peanut Butter
Hiwaon ang mansanas sang walo ka piraso
Papason ang mga kuriskuris sa pader

Ibulingon ang puti nga towalya nga may buwak nga burda
Andamon ang puwa nga biyong ig alas singko-kinse
Ablihan ang radyo para sa balita ig alas sais sang aga

Gyot-gyuton ang patatas nga gipabukalan sang kinse minutos
Ihuwad ang arinola dapit sang kulo nga kahoy
Pangitaon ang Pau D'Arco na panghapyas

Itago ang nahabilin nga putos sang Marie nga biskwit
Hipuson ang mga hampangan ni Shasha
Ilabay ang gingamag nga sopas nga may dyutay nga kibit

Kuhaon sa China cabinet ang ika-singkwentay sais nga pahina sang Bisaya
Isyod sa sobre ang titulo sini nga biyai
Silhigon ang mga balhibo ni Shasha sa sopa

Basin may makalimtan pa ako
Nipalapit na ako sa iya
Mintras nagliso-liso siya
Sang singsing sa iya tudlo
"Molakat na kita?"

Ang akon tubag -
Tam-is nga ngisi para sa iya
Nga adlaw-adlaw nakon
Dili makalimtan ihatag
     
     

I Might Forget

translation by author

Bring out Lily's Peanut Butter
Slice an apple into eight pieces
Remove the scribbles on the wall

Put the white towel with an embroidered flower in the laundry
Prepare the red medicine at five thirty
Turn on the radio for the six a.m. news

Chop the potato that was boiled for fifteen minutes
Pour out the chamber pot near the breadfruit tree
Look for the Pau D'Arco liniment

Keep the remaining pack of Marie biscuit
Arrange Shasha's toys
Dispose the moldy bread with a small bite

Get the 56th page of Bisaya from the China cabinet
Keep this house's title in an envelope
Sweep Shasha's hair off the sofa

I might forget something
I approach her
While she is twisting
The ring on her finger
"Are we already going?"

My answer -
A sweet smile for her
Which every day
I never forget to give