Ariel B. Logroño is a fireman and a licensed teacher. His work has appeared in Bisaya Magazine, Pinanlinan: An Anthology of Selected Works from Tagik and Kinalitkalit Writing Competitions, Santelmo Magazine, and The Word, a publication of Holy Name University. He was a fellow of the Agi Creative Writing Workshop, Sunday Club National Writers' Workshop, and the Bathalad-Sugbo Creative Writing Workshop, where he received the Butch Bandillo Literary Award.
Nangka
Inig ka hinog sa nangka mokuyanap ang alimyon niini sa kabalayan diin tilawan siya sa libak sa mga silingan 'Humotang hinog, uy!' 'Tam-isog baho, da!' 'Dagko tingali rog lusok!' Way tibak nga mogitli sa bugkos nga sako. Lunhaw ug way tatsa ang panit nga maoy mopilit nga tagok sa utok. Dunay wala nila masayri: may awom nga gidak-on sa tibak nga kon batakon manggawas ang liboan ka mga ulod sa nangka sa among kagawad nga silingan.
Parola
Matag adlaw kong Maghuwat sa kahaponon dinhi sa parola uban sa mga gilumotang lingkoranan Maglantaw sa mga nibiya nga barko. Mamog-at og samot ang lawas sama sa mga lusayng kapila na biya-i sa kahunason nga pabiling naggakos sa mga bato. Galurat kanunay ang mata Sa lumban sa mga tunob nga nagkulit Og lawom nga samad sa hunasan Samtang namati sa pagkanaas Sa mga balod nga kanunayng ibanlas sa nagtukaw nga parola