Si Laurence Lanurias usa ka estudyante sa BA Literature sa Cebu Technological University, Main Campus. Ikatulo siya sa upat ka managsuon. Usa siya ka magbabalak ug nobelista sukad sa edad nga 12.
Si Laurence Lanurias usa ka estudyante sa BA Literature sa Cebu Technological University, Main Campus. Ikatulo siya sa upat ka managsuon. Usa siya ka magbabalak ug nobelista sukad sa edad nga 12.
sa punuan sa bayabas sa gawas sa among loti gikab-ot ko ang maya nga gapatong, diin ang usa ka pako niini adunay bali, wala mahilikaying natamakan ko ang iring nga duha ka buwan na nakong binuhi unya kini ming paak sa akong kumingking ug ang rabis moalma sa akong tsansa nga mapangga ang langgam nga basin molupad na ugma
wala pa ba ka kapoya og padayong hulog anang imong pisong karaan sa tubigan nga nangita og bag-ong sensilyo ikamatay nimo ang kauhaw apan dili na nimo mabalik pa ang sama sa gahapong dawat pa niya ang karaan adunay mga gahapong dili na nimo mabalik ug dili na angay pa nga ibalik maong husto na, sakto na hunongi na na ang tubigan ayaw na og ipugos pa kon siya wala nay gusto samot na kon lain na ang iyang gusto
Hangak ang pagtambong ko sa unibersidad Ang kakapoy labaw sa lawas, lapas sa utok Maong kon maabot ko sa boading house Una kong pukawon ang pinalit nga clip fan Mong reklamo kini siya sa pipila ka segundo Apan molihok ra man usab gihapon hinuon Buhaton niya ang pagtuyok ug pagginhawa Atubangan sa akoang gialimoot nga nawong Mura ba og ang iyang segundong karag Segundong pagprepara sa kaugalingon Una buhaton ang angay, ang napamatikdan Una buhaton ang buot nasabutan Sama sa lawom nga pagginhawa ko Una obrahon ang angay, ang nasabutan Sayod ko mang kinahanglan obrahon Lihokon ang mga angay nga lihokon Apan kining clip fan kapin sa pila na ka buwan Aning iyang pagkarag una paglihok Tuod dili man kini siya ingon ani sauna Tuod sauna diretso ra man kini siyang mo obra Aduna nay ginagmay nga abog napundo Sa iyang mga palabad nga dili ko malimpyo Nangapundok, natigom, iya kining natigom Ug sayod kong kon dili ni mawala, siya ang mawala Ang clip fan sa bhouse dili na sama sa sauna Ang iyang hangin dili na sama kakusog Ang iyang paglihok dili na sama kahilom Ang iyang kinabuhi, sama pa ba kalig-on? Mo abot basin ang adlaw nga Inig abot ko gikan sa tonghaan Pukawon ko ang kining clip fan Apan siya dili na gayod mo mata pa