Dianne Almonte Deiparine is a former chairperson of TINTA, the literary organization at the University of the Philippines Cebu. She was a fellow at Bathalad Sugbo in 2018, where she served as a workshop moderator for the organization for the past two years, and at the 27th Iligan National Writers Workshop, where she won third prize in the Jimmy Balacuit Awards. She was also one of the pioneers of Anunaw: Bukidnon Writers' Camp held at Central Mindanao University in 2023.
gihikawan sa gugma
binistihan apan hubo ang atong mga kasing-kasing sa kasipongan sa kangitngit. mga hubong kalag nga gilukob sa nagdilaab nga mga anino nga milukop dili lamang niining lawak, apan usab sa mga ugat nga matahom nga naglambod sulod sa atong dughan.
Bangaw
Hangad! Kaanindot lantawon sa bangaw Kanang arko nga adunay pito ka mga bulok Nga mugawas sa kapanganuran kada human sa uwan, Nagsenyas og paglaum human sa bagyo ug unos. Apan nakita ko ang pula Ang bulok sa kanhi tang paghinigugmaay Sa wala pa napulihan og dugo ang akong mga luha Kaniadtong akong lawas wala pay tatsa Kaniadtong maako ko pa ang pagsul-ob sa bistida kong kahil Nga karon puno na sa gisi ug mantsa. Dalag, ang bulok sa atong relasyon Daw sama sa mga dahong hinay hinay nangalaya Kay kuwang sa pag-amuma, pag-alima ug pagpangga. Lunhaw, ang bulok sa atong bungbong ug pultahan Maoy mga saksi sa imong binuhatan Maoy makadawat sa mga kumo ug buak na bildo Kung sa akong lawas ikaw napul-an ug wa na nagkagusto. Bughaw, ang bulok sa bisting gisul-ob ni inday Samtang naglantaw sa kinumong imong gipanday. Tagom, ang bulok sa usa ka semanang bun-og Na madungagan na sad inag uli nimo karong taod-taod. Tapol, ang handumanan nga imong gibilin Ang bulok sa akong panit nga daw permanenteng tato. Ingani diay ang buot mong ipasabot kaniadtong naghisgot ta sa bangaw Gigaid, gigapos, karaang uwat ug labas nga mga samad nagpang-abot Guntingon ko na ning tanod na gitahi sa akong baba. Putlon ko na kining kadenang gigapos sa akong mga kamot ug tiil. Karon, milanog ang akong tingog Ug ang bulok sa bangaw mibusilak sa halapad nga Luna sa akong kagawasan.
pagngiaw sa usa ka libong ngalan
Kaniadto, gihulma pa si Maria sa plurira sa kabatan-on, diin ang lawak sa pagmaya pipila lamang ka mga dupa. Sa pagpahimos sa abono sa kauswagan, si Maria nahimong si Marie, diin hinay-hinay nalawos ang kaniadtong himsog nga mga bulak sa plurirang gisuway na og liboan ka takna ug nahulipan og gabok nga mga uhot. Sa dili pa mokagay ang plurirang huot nas nagkadaiyang bulak, si Marie nahimong si Jane, nga nahisaag ug wa na mailhan, diin ang singgit sa iyang ngalan nilantugay sa kawanangan.